Otsailaren 23an jokatuko dira Doneztebeko pilotalekuan Erreka elkarteak hamekagarren urtez antolatutako Malerrekako eskuz binakako pilota txapelketaren finalak. Hau idazterakoan, elite eta sub-22 mailetako finaletako protahonistak zein izanen diren jakina zen, otsailaren 6an jokatu baitziren finalerdiak Sunbillan.
22 urtez azpikoen mailan, Amurrioko Goikoleak eta Oiarpeko Imazek 22 eta 18 irabazi zieten Astigarragako Barandiaran eta Gurutzealderi eta Oiarpeko Ugalde II eta Ugalde I.ak 3 tantutan utzi zituzten Añorgako Maiza eta Azkoitiako Zendoia. Beraz, Goikolea eta Imaz, Ugalde anaien kontra ariko dira finalean.
Elite mailan, Hernaniko Esnal eta Errekako Gorritik 22 eta 8 irabazi zieten Errekako Beñat Oronoz lesakarrari eta Oberenako Okiñenari. Bigarren finalerdian ere oreka gutti izan zen eta Tolosako Bellosok eta Oberenako Etxamendik 22 eta 6 irabazi zieten Ilunpeko Larrañaga eta Usurbilgo Altunari. Beraz, finalean, Esnal-Gorriti eta Belloso eta Etxamendi izanen dira aurrez aurre.
Kategoria nagusienetako finalistak erabakita, kategoria ttikiagoetako finalerdi gehienak igande honetan jokatzekoak ziren.