Bidasoako bide berdea proiektuak pauso bat gehiago emanen du aitzinera. Bertizko Partzuergoak Endarlatsa-Doneztebe arteko zatia egin nahi du datozen hilabeteetan. Horretarako enkantean atera du zatia. 532.148 euroko inbertsioa eginen du Partzuergoak eta aurkeratutako enpresak zortzi hilabeteko epea izanen du lanak amaitzeko. Eraikuntza enpresek otsailaren 12ra arteko epea dute proposamenak aurkezteko.
Enkantean aterako den zatia, Bide berdeko garrantzitsuenetakoa da. Lesaka, Igantzi, Sunbilla eta Donezteberen mugetatik igarotzen da eta Irun eta Elizondoren arteko trenbide zaharra du oinarrian.