Apurka apurka, geroz eta gehiago dira gure eskualdean konpost egiteko erabakia hartzen dutenak. Horregatik, konpost ontzi gehiago banatzeko beharra sortu da. Malerrekaren otsailaren 7an, 36 konpost ontzi gehiago banatuko dituzte. Banaketa egin aitzinetik bilera informatiboa izanen da. Mankomunitatearen egoitzan elkartuko dira 18:00etan.
Konposta zer den azaldu, nola egiten den, zer botatzen ahal den eta zer ez... azalduko dute. Partehartzaileek galderak egiteko aukera ere izanen dute. Malerrekako itxaron zerrendan dauden 36 familiari deitu zaie, baina bilera irekia da eta konpostaren inguruan interesa duen edozein joaten ahal da. Gainera, hurrengo kanpainarako bertan izena emateko aukera ere izanen da. Mankomunitatetik jendea animatu nahi dute eta bilerara joateko gonbidapena luzatzen diete. Bileraren ondotik, aipatutako 36 familiei materiala banatuko zaie.