Gero eta laborari guttiago ditugu gure herri hauetan, bainan hala ere, lehengo usai xaharrak aitxikitzen segitzen dugu.
Hoietako bat San Anton eguna da. Betitik Urdazubin ospatu izan da egun hau, denbora batean San Antoneko kofradia bat baitzen herri huntan. Gaur egun ez dago halakorik, baina bi herrietako laborariak Urdazubin elkartzen dira.
Lehenbiziko meza izaten da, sainduari eskerrak emateko eta laguntza eskatzeko. Ondotik bazkari bat antolatzen da. Hunek ez du sainduarekin deus ikustekorik, bainan bazkaririk gabeko besta bat erdizka gelditzea bezala da. Aurten 27 lagun elkartu ziren Karretero jatetxean.