Aurten Saran ihauteriak otsailaren 9 eta 10eko asteburuan ospatuko dira. Larunbatarekin gazteek, mozorroturik, Sarako auzoak animatuko dituzte kantu eta dantzekin. Auzoetan barna ibiliko dira traktore eta xareta animatu batean. Beren ibilaladia gauean bukatuko da trinketean, Herriko Etxeko edantegia hetsia baita Zazpiak Bat dantza elkarteak gaztetxea idekiko du gaua goxoan buka dezaten.
Igandean, goizeko 11:30ean gazteen eta haurren desfilea eginen da plazan, ondotik dantzak eta zanpantzarren auzia. 1etan 3 eskolek antolatutako bazkaria Lur Berri emana izanen da. Arratsalde bukaeran gazteak berriz abiatuko dira aldi hunetan ostatu eta etxe zonbaiten itzulia egiteko.