Kupeleko xiriari tira eta sagardo txorrota edalontzira. Gaurtik aitzinera, Nafarroako sagardotegietan behin eta berriz errepikatuko den keinua izanen da. Gaur emanen zaio hasiera ofizialki Nafarroako 2013ko Txotx denboraldiari. Berueteko Behetxonea sagardotegia aukeratu dute horretarako. Eguerdiko 14:00etan izanen da ekitaldia. Itxakoko jokalari bat gonbidatu dute bertara baina azken unera arte misterioari eutsi eta ez dute argituko nor izanen den.
Fruta-gustua, orekatua eta azukre maila egokia duen sagardoa omen da aurtengoa, udan egin duen eguzkiak hori ahalbidetu omen du.