Anai Artea elkarteak Frantziaren esku-hartzea euskal gaztakan izena duen liburuaren aurkezpena baliatu du Frantziako gobernamenduak aspaldiko errepresioaren bide beretik segitzen duela salatzeko eta Aieteko eta Baionako bake forumeri bere sustengua erakusteko. Euskal Herriarentzat Parisek daraman politikan Estatu arrazoiak agintzen duela argi du Anai Arteak. Bere ustez aldaketa guti da eskuina ala ezkerra delarik agintean. Horren lekuko norabide berean doazen kolpeak, izan dadin 80garren hamarkadan hasi zen errefuxiatuen kontrako jazarpena edo berriki espainaratua izan den Aurore Martinen afera. Ipar Euskal Herrian azken 40 urteetan izan diren arrastatzeen bilduma agertzen da liburu berri hortan. Gertatu den historia erreberritzeko edo gazteeri hemen gertatu dena ezagutarazteko balio du liburuak. Bertze lagun batzuen artean Mixel Mendiburu herritarrak ere moldatu du lan hau. Euskal Herriari buruzko liburu gehienak bezala Lekuona bi saltegietan dago Anai Artea elkartearen bilduma berria.