Oraindik ere Eguberritako ospakizunetan bete beterik gaudenez herriko haur eta guratsoek egunotan egin dituzten eta urte hasierarekin egitekoak dituztenak aipatuko ditugu. Abenduaren 15ean zuhaitz apainketa izan zen eta haur bakoitzak bere bolatxoak, panpinak, izartxoak, argiak… paratu ditu. Abenduaren 24an aterpean elkartu ziren, eta telebista bat eta zare zoragarri bat zozketatu zituzten. Ondoren, olentzerori ongi etorria eman zitzaion eta berekin herrian itzulia egin zuten. Abenduaren 26an Zorroiloak elkartean Estitxu ipuin kontalaria aritu zen kontu kontari. Segidan tailerrak izan zituzten eta eguna ongi akautzeko afaltzeko pizzak. Abenduaren 27an herriko nerabe eta haur guztiak, guratsoek lagunduta, bainu etxera bainatzera eta txokolate goxoa hartzera joan ziren, Urtarrillaren 1ean, urte berriarekin batera, etxez etxe urtatxak biltzen ibiltzekoak ziren eta ortziral honetan, ilbeltzaren 4an, ekintzak borobiltzeko haur bazkaria izango da. Beste urte batez guratso eta haurrek ekintza pila bat egin dituzte. Urte berri on.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun