Azken urteetan bezala, Iruritako bi talde aurrez aurre izan ziren Baztan Errekako XIII. paxaka txapelketaren finalean ere. Azkenean, Irurita Bk (Egoitz Prim, Igor Urrutia eta Joseba Urtasun) 9 eta 8 irabazi zion Irurita Fri (Jagoba Ramos, Jexux Etxenike eta Iñaki Zabaleta).
Hirugarren posturako lehian ere Irurita G (Xabier Bazterrika, Mitxel Etxenike eta Oskar Urrutia) nagusitu zitzaion Oizeri (Iker Bereau, Ugutz Zelaieta eta Lander Mendiola).
Finala orekatua eta ona izan zen, txapelketa osoko partitudik hoberena eta jende aunitz bildu ze nabenduaren 22an Iruritako Aranabia pilotalekuan.
Txapeldun izanen zirenak 3-0 eta 4-1 aitzindu ziren, baina gero, launa, bosna, seina, zazpina eta zortzina berdindu zuten Iruritako bi hirukoteek. Azken jokoa eta txapela Prim, Urrutia eta Urtasunentzat izan zen.
Txapelak eta sariak Maite Oteizak (Baztan Balleko zinegotzia) eta Maribel San Josek (Iruritako alkatesa ohia) banatu zituzten.
Txapelketa bukatzeko, Iruritako Inezture elkartean afaria izan zen.
Mila euroko saria
Txapelak eta sariak banatu ondoren, Laxoa Elkarteak antolatutako 1.000 euroren zozketa egin zen. Zenbaki sariduna 0896 izan zen eta berehalaxe agertu zen zenbaki horren jabea: Iruritako Jesus Mª Bidegain.