Azken urteetan udalaren eta Cedernaren artean berreskuratutako ohiturari eutsiz, Santa Luziako feria ospatuko da Donezteben abenduaren 13an. Goizeko 10:00etatik 14:00etara eskulangileak izanen dira elizatarian eta Meza Nagusian Zilarrezko Titarea emanen zaio Esther Pascal jostunari.
Goizeko eskulangileen erakusketa eta salmenta postuetan Aitziber Erasun (metalak), Santiago Hualde (egurra), Fausti Juanikorena (jantzigintza), Itziar Berazadi (telarrak), Jose Luis Arozena (laxoa), Malu Alvarez (zilarra), Manex Landa (zilarra), Maria Salanueva (xaboiak), Andreu Smith (postalak), Jose Luis Olaizola (egurra), Miguel Urroz (ezpelez egindako sukaldeko tresnak), Eneko Rabina (ogia), Mateo Brianceau (dekorazioa), Carlos Mindegua (gazta), Maria Irureta (kanutilloak), Jon Olaizola (egurra), Bittoriano Arzuaga (artilea) eta Joxepa Loiarte eta Zubietako taldearen taloak izan dira.