Mendi Abesbatzak Federazioaren gonbidapenari erantzunez, Nafarroako Minbizidun Haurren Laguntzarako Elkartearentzako (ADANO) diskan parte hartzeko aukera izan zuen urriaren 27an. Diska hau Nafarroa osotik aukeraturiko lau abesbatzen kantekin osatuko da eta Doneztebeko Abesbatzak bortz doinu grabatu zituen, eta Tuterako Gaztanbide Antzokian eta Iruñeko Baluarten aurkeztuko da. Mendiren abeslarientzat zinez berezia izan da sozialki nahiz emozionalki halako garrantzia duen zerbaitetan lagundu ahal izatea, zer eta gehien gustatzen zaienaren bitartez: «gure musika eskainiz». Folklore nahiz polifoniako kantuak grabatu zituzten.
Biharamonean, XVIII. Nazioarteko Abesbatzen Zikloaren barrenean, Ukrainiako Credo Abesbatza izan zen Donezteben, Nafarroako Abesbatzen Elkartearen eskutik. Zinez, abesbatza ikaragarria izan zen kontzertua eskaini zuena, 32 ahots gazte baina ongi landuk osaturikoa.