Haur Hezkuntzako neska-mutikoek, 3,4 eta 5 urtekoek eskolako ateraldia izan zuten azaroaren 8an. Legasa, Ituren, Narbarte eta Sunbillako eskola ttikiak aurtengo ikasturterako aurreikusiak dituzten jardueren artean, lehenengoa Bertizera joatearena zen. Gurasoek Narbarteko plazaraino eraman zituzten eta handik oinez Bertizera joan ziren. Bertizera ailegatutakoan gosaldu, parkean pixko bat jolastu eta 12:00etatik 14:00etara zeukaten Bertizeko bisita. Hiru urtekoak itsuaren jokuan, animaliaren jokuan eta bertze batzuetan aritu ziren. Lau urtekoek, berriz, parkea bisitatu eta mendian barna bueltatxo bat egitea erabaki zuten. 5 urtekoak, zuzenean joan ziren mendira. Ondoren bazkaldu eta arratsaldeko 4etan gurasoekin elkartu ziren. Hagitz egun polita izan zela eta ederki pasatu zutela aipatu ziguten.
LEHEN HEZKUNTZAKOAK ERE BERTIZERA
Azaroaren 15ean Lehen Hezkuntzakoen txanda izan zen. Hauek ere Bertizera zuten irteera, baina kasu honetan Legasatik Bertizerako bidea oinez egin zuten, eta gero alderantziz. Gurasoak Legasara joan ziren neska-mutikoen bila. Bertizen batzuk parkea bisitatu zuten eta bertzeak mendira joan ziren.