Musikarien eguna, azaroaren 22an da, baina Berako Musika Eskolakoek gaur eskainiko dute Santa Zeziliako kontzertua. Arratsaldeko 18:00etatik aitzinera, trikiti, piano, txistu eta bertze hainbat instrumentuen doinuak izanen dira entzungai, estilo desberdinetako piezak interpretatuz. ‘Uxo zuria’ herrikoa, Beethovenen ‘Romance’, Adelen ‘Someone like you’, Vendettaren ‘Begietara begira’…. Abesti herrikoiak, klasikoak, azken urteetako arrakasten bertsioak... denetarik belarrien goxogarri. Kontzertua amaitzeko, urteroko ohiturari jarraituz, joan den ikasturtean bigarren maila gainditu zuten ikasleei diploma banatuko zaie.