Nafarroako Gobernuko Landa Garapen, Ingurumen eta Toki Administrazio Departamentuak toki azpiegiturak hobetzeko zenbait inbertsio onartu ditu, 2009-2012 Toki Inbertsio Planaren barrenean. Horien artean daude Garaigarri karrikako 1 eta 2an eta Donibane karrikan egin beharreko sareen berritzea eta zolaberritze lanak. 907.527 euroko inbertsioa onartu da eta Nafarroako Gobernuak 564.837 euro paratuko ditu.