Igandean, azaroaren 11n, erabakiko da nor den Euskal Herriko III. Mailako aizkora txapelketako irabazlea. Aldatzen eguerdiko 13:00ean jokatuko da norgehiagoka frontoian. Eskualdeko hiru ordezkari egonen dira final handian: Ruben Saralegi leitzarra, Asier Pellejero aresoarra eta Raul Kastro urroztarra. Hauekin batera, Julen Kañamares (Arostegi), Arkaitz Jauregi (Ilarduia) eta Iban Resano (Dorrao) lehiatuko dira. Hiru kanaerdiko eta bi 60 ontzako moztu beharko dituzte eta denbora hoberena egiten duena izanen da garaile.