Nafarroako buruz buruko pilota txapelketaren finalak jokatu dira asteotan. Urriaren 12an kadete eta jubenil mailako finalak jokatu ziren eta bietan izan ziren eskualdeko ordezkariak. Jubeniletan, Errekako Ugaitz Elizalde iturendarrak 18 eta 8 irabazi zion Huarteko Astiz-i, baina kadetetan, Bortziriak taldeko Ander Errandonea beratarrak 9-18 galdu zuen San Juango Lasorekin. 22 urtez beheitiko finalean, berriz, Errekako Beñat Oronoz lesakarrak 18 eta 4 irabazi zion Pilotajaukuko Lopez-i urriaren 21ean Labriten.