Malerrekako eskuz binakako XI. pilota txapelketan izen emateko epea zabaldu du Doneztebeko Erreka elkarteak. Pilotariak lehen mailako benjaminetan, alebinetan, infantiletan, kadetetan, jubeniletan, 22 urtez beheitikoetan eta senior elite kategoriatan lehiatuko dira. Kategoria guztietan lehiaketa irekia izanen da, senior elite lehiaketan izan ezik, hemen pilotariak gonbidatu eginen baitituzte. Hirugarren urtez Diario de Noticias izena hartuko duen txapelketa kanporaketa bidez jokatuko da eta 2013ko urtarril erdialdera hasita, otsaileko azkeneko astean edo martxoko lehendabizikoan akitzea espero dute. Federatutako pilotariek azaroaren 11 arteko epea izanen dute izen emateko, horretarako salaae@gmail.com helbide elektronikora idatzi eta norbere telefonoa edo posta elektronikoa jarri beharko dira izen-emateko orrian.
IGANDE GOIZ ETA ASTEAZKEN ARRATSALDEZ
Txapelketako partida gehienak igande goizetan jokatuko dira. Legasan benjamin mailakoak, Iruritan alebin mailk, Lesakan infantil mailakoak, Donezteben kadeteak, Beran jubenil eta aub-22 mailakoak (azken hauek astezkenetan) eta Donezteben senior elite mailakoak (asteazkenetan).