Euskararen Gizarte Erakundeen Kontseiluak Euskaraz bai dinamika sustatzen du Euskal Herriko hainbat herritan. Helburua euskararen tokia handitzea da herriko sektore desberdinetan, herritarrek hautatu eta antolatu ekimen desberdinen bitartez, oro har, euskaraz bizitzeko aukerak zabaltzea Senperen. Herriko elkarte eta norbanakoek talde bat osatu dute eta lehen lan gisa izenpedura bilketa bat antolatu dute, Senpere herriaren izen ofiziala bilaka dadin. Izenpetze kanpaina uda aitzin abiatu zen, eta orain, bigarren bultzada bat eman nahi diote taldeko kideek. Horretarako kantu bat idatzi eta bideoz grabatu dute (vimeo.com/51432356).
Izan ere, alde batetik, euskarazko izena zuten auzo edo errekak frantsestu dituzte eta orain ez dute fitxik erran nahi eta bestetik, euskarazko izenek eta euskarak senpertarrentzat duten garrantzia aldarrikatzeko, herriko izenari lehentasuna eman behar zitzaiola pentsatu dute taldeko kideek.Senperen euskaraz bizi nahi duten herritarrak badira, eta herria Senpere deitzen da, beraz galdegiten diote Herriko Etxeari euskarazko izena bilaka dadin herriaren izen ofiziala.
Izenpedurak biltzeko blog bat sortu da (senpere.wordpress.com). Senpertarrei eta Senperetik kanpoko norbanako zein elkarteei galdegiten diete izenpetzea. Horrez gain, beste herrietara luzatu nahi diete gomita, izan ere, horrelako aldarrikapenak bideratzeak herri honetan euskaraz bizi nahi duten herritarrak badirela adierazteko urrats eraginkorra izanen bai litzateke.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!