Oitz, Arantza, Igantzi eta Beran Eurogas S.L enpresaren izenean egiten ari diren gas berrikuspenetan irregulartasunak egon direla ohartarazi du Foruzaingo sailak. Adineko jendeari gasa berrikusteko etxera egiten dizkieten bisitekin kasu emateko abisua luzatu dute. Etxeetan gasaren instalazioa berrikusi eta beharrezkoak ez diren konponketak egin behar direla erraten diete bezeroei. Osagai batzuk aldatu eta konponketak egin ondotik, normalean baino garestiago kobratzen dizkiete. Konpontze lan errazak izaten dira eta aldaketa norberak egiten badu 10 euroko kostua izanen lukeen lanagatik, 80 euro kobratzen dituzte. Gainera, sinatzeko dokumentu bat eskaintzen dute konponketa egin baino lehen, horrela babes legala lortzen du enpresak. Paper hauek sinatzea ez dela beharrezkoa ohartarazi dute. Gisa honetako kasu berriren bat antzematen baldin bada, Foruzaingoari jakinarazteko eskatu dute.