Iaz ez zuen parte hartzerik izan lesio baten ondorioz, baina aurten berriz ere Nafarroako txapel nagusia jantzi zuen Floren Nazabal aizkolariak Etxarri-Aranatzen urriaren 7an. 30 minutu eta 39 segundu behar izan zituen lau kanaerdiko, bi oinbiko eta 60 ontzako lau enbor mozteko. Bigarren Jon Rekondo leitzarra izan zen (35:58), hirugarren Ander Erasun aurtiztarra (36:36) eta laugarren Antonio Senosiain (39:39). Donato Larretxeak proba utzi behar izan zuen, gerriko minaren ondorioz.