Oriamendi 2010 enpresak pilotari gazteendako antolatutako promozio txapelketa urriaren 4an abiatu zen Galarretan. Hasierako partida horretan, Ezkurra II eta Patxi Olazar doneztebarrek, Matxin III eta Labakari irabazi zieten eta honela final laurdenetarako txartela lortu zuten, bertze zazpi bikoterekin lehiatzeko.
Final laurdenetako lehen bi partidak urriaren 6an jokatu zituzten Galarretan. Lehenik, Oñatz eta Aritz Zubiri goizuetarrak 32 eta 35 galdu zuten Otaegi eta Barrenetxea IV.aren kontra ariko dira eta bigarren partidan, Etxeberria IV eta Andoni Saldias oiztarrak 32 eta 35 galdu zuten Endika saldiastarra eta Aizpuru III.aren kontra. Beraz, lehenbiziko finalerdian Otaegi eta Barrenetxea IV, Endika era Aizpuru III.aren kontra ariko dira.
Matxin VI eta Agirrezabalak iaz lortutako tituluaren defentsan aritzekoak ziren Etxabe II eta Zubizarretaren kontra, urriaren 12an, Pilarika egunean. Egun berean, Urrutia II saldiastarra eta Aizpurua II, lehen partidako irabazleen kontra, Ezkurra II eta Olazaren kontra aritzekoak ziren. Irabazleek jokatuko dute bigarren finalerdia.
Finalerdiak urriaren 20an eta 27an jokatuko dira eta final handia azaroaren 3an. Bikoteak ¡orekatuak dira eta uda honetan profesionaletan debuta egin duten Ezkurra II, Otaegi, Labaka eta Aizpuru III.ak lehen aldiz izan dute txapelketa batean aritzeko aukera.