Jon Irazu gipuzkoarra nagusitu zen irailaren 30ean Aizarnazabalen jokatutako Euskadiko bigarren mailako aizkolari txapelketaren finealean.Iaz hirugarren Mailako Euskadiko txapela jantzi zuen eta urte baten buruan bigarren mailakoa. Ander Erasun izan zen txapeldunordea. Aurtiztarrak 48 segundu gehiago behar izan zituen eta biak Euskadiko Maila Nagusian ariko dira heldu den sasoian.
Sei aizkolari lehiatu ziren Aizarnazabalen, bakoitzak seina pago-enbor ebaki zituen: bi kanaerdiko, bi 60 ontzako eta bi oinbiko (72 ontzako).
Aipatzekoa da Erasunek bigarren erdian egindako lana.. Izan ere, aurtiztarra azkenekoa zen lan erdietan, Irazutik kasik minutu terdira. Azkenean bigarren izan zen 3 segundurengatik.
Jon Irazu izan zen txapeldun (19:07). Ander Erasun bigarren (19:55) eta Zumarragako Xabier Zaldua hirugarren (19:58). Mikel Larrañaga azpeitiarra laugarren izan zen (20:23), Ugaitz Mugertza mutrikuarra bosgarren (21:23) eta Oihan Larretxea beratarra seigarren (22:20).