Arkupeak elkarteko 91 bazkidek hamabi egun eman dituzte atseden hartzen Benidormen, irailaren 27tik urriaren 9ra. Lehenbiziko egunean bi orduz euria egin zien, baina gainerakoan eguzkiaz eta hondartzaz gozatzeko modua izan dute.
Joan den igandean egin behar zuten bestaren berri hurrengo alean emanen dugu, baina etorkizunera begira ere bi ateraldi prest dituzte. Lehenbizikoa urriaren 25ean Lodosara eginen dute 158 lagunek eta bigarrena, azaroaren 5etik 14ra Lanzarotera, 36 bazkiderekin.
Modu berean, ikasturte berriarekin informatika ikastaroak ere antolatu ditu Arkupeak elkarteak Beran eta Elizondon, frantses ikastaroan Beran eta Donezteben. Azaroan hasiko dira.
Joan den urtean bezala, Koldo Martinez nafarroako Ospitaleko UCIko medikuak Bizi testamentua, heriotz duina eta aurrez emandako borondateak solasaldiak eskainiko ditu azaroaren 15ean Donezteben eta azaroaren 22an Leitzan. Heldu den urteari begira ere bilerak egiten ari dira.