Inauterietan ez ezik, beste urte garaietan ere gero eta langileago dabiltza gure joaldunak. Azken asteotan, Elgorriagako Onddo eta Zizen Kofradiaren Egunean eta Zugarramurdin, Alex de la Iglesiaren pelikulan aritu dira joareak jotzen. Azken honetatik batez ere nekatuak itzuli ziren, orduak eman behar izan baitzituzten joareak gerritik zintzilik, zuzendaria irudiekin gustora gelditu arte.