Goizeko 10:00etatik aitzinera lan taldeak osatu eta auzolanari ekingo diote Berako gaztetxean. Terraza, sukaldea, Mini-frontoia, Eskalada, Tailerra… txukunduko dituzte. Eguerdian bazkaria eta arratsaldean berriro auzolanean jarraituko dute.
Azken urteetako ohirurari eutsiz, Lesakako Gazte Asanbladak lan eguna izanen du urriaren 12a. Aurten, Auzolanaren kultura solasaldia eskainiko du izen bereko liburuaren egile den Jasone Mitxeltorena etxalartarrak, Auzolan Ekimeneko kideak. Ondotik hameketakoa izanen dute gazteek eta herrian ere auzolanarekin zerikusia duen zerbait antolatzeko asmoa ere badute.
Elizondon 10:30ean elkartuko dira herriko plazan, elkarrekin erreka garbitzera joateko. Suhiltzaileen laguntza izanen dute eta bertaratzeko asmoa dutenei arropa egokia eramateko aholkatu dute. Auzolanean aritzen diren guztiei gosaria emanen zaie. Euri dexente ari badu bertan behera geratuko dela ohartarazi dute.