Grebak segida zabala izan du eskualdean

Murrizketen kontra irai­laren 26rako deitua zen greba orokorrak segida zabala izan zuen eskualdean. LABek mobili­zazio jendetsuak azpima­rratu zituen eta ELAren erranetan martxoaren 29koan baino eskasagoa izan zen segida. 

 

 

Industria arloan grebak lantegi handienak geldiarazi zituen. Lesakan, Arcelor Mittal Proccesing lantegian %100­ekoa izan zen grebaren segida eta AM Lesakan %90ekoa. Zalaingo Condesa, Funvera eta Savera lantegietako produkzioa ere erabat geldirik egon zen. Aldiz, Alco, Hi­drorubber edo Conservas Martiko lantegietan langile gutti batzuk bakarrik egin dute greba eta Composites Gurean langileen %20ak baino gehiagok lan egin zuen. Orokorrean, Zalain­ eta Alkaia­gako industrial­deetan grebaren segida %70-80koa izan zela aipatu zuten sindikatuek.

 

Doneztebeko Aparan industrialdean eta Leitzal­derako errepideko tailer eta lantegietan aktibitaterik gabe egon ziren. Baztanen Harrilan eta Marmoles del Baztan enpresek itxi egin zituzten ateak eta Leitzako Sarrio­papel lantegian greba egin zuten langile guziek.

 

 

Administrazio arloan, Herriko Etxe gehienetan guttieneko zerbitzuak bertzerik ez zituzten eskaini. Komertzioetan,ia erabat itxi zituzten komer­tzioak. Irakaskuntzan ere, ikaste­txe gehienek zerbitzu minimoak eskaini zituzten.

 

 

Herriz herriko kontzen­trazioez gain, manifestazioak egin ziren. Beran, konbokatua zegoen manifestazioa bertan behera gelditu zen, Guar­dia Zibilak ateratzea galerazi­ bai­tzuen. Espainiako Gobernuko Delegazioak erran­ zuen baimenak epez kanpo eskatu zirela eta aitzakia horrekin, ma­nifestazioa ateratzen bazen kargatu eginen zutela adierazi zuten guardiazibilek. Eta horren erakusgarri, Be­rako kuarteletik sirenak martxan eta antidisturbio materialare­kin agertu ziren. Sindikatuetako ordezkariek aipa­tu zutenez, baimena hamar egun lehenago eska­tu zen lehen aldiz eta hau ukatu­ ondotik, ber­tze­ bitan ere eskatu zen, eran­tzunik jaso gabe. Halere, Guardia Zibilaren ja­rrera ikusita, manifestazioan ez atera­tzea erabaki zuten. Ordu berean, Elizondon manifestazio jende­tsua egin zen, 350 eta 400 lagun artean­ bildu baitziren. 

 

Arratsaldean, Baz­tan-Bidasoaldeko ma­nifesta­zioa egin zen Donezteben eta banke­txeentzat dirua, herria­ren­tzat miseria lelopean jendetza elkartu zen, sindikatuen arabera, 500 bat lagun.

 

Leitzan ere egin ziren mobilizazioak: goizez hemezortzi auto ibili ziren herrian barna bueltaka eta arra­tsaldeko manifestazioan 500 lagun in­guru bildu ziren.