Euskaldun berriei euskaltegitik kalerako jauzia ematen laguntzeko asmoa du solaslagunak. Paseoan, kafe baten bueltan, parkean... azken finean, euskaltegitik kanpo, kalean, astean behin ordubetez euskaraz hitz egitea. Horretarako, euskaraz mintzatzeko ohitura dutenak eta mintzapraktika egin nahi dutenak batzen dira. Ekintza osagarriak ere egiten dituzte, herriko beste mintzalagun taldeekin irteerak, afariak, kirol ekintzak, mintza eguna... Programan parte hartu ahal izateko baldintza bakarra euskaraz komunikatzeko gutxieneko maila izatea da. Ekimena euskara hobetzeko, gehiagotan erabiltzeko, euskara bizitzeko, normalizazioaren alde egiteko, ingurune euskalduna sortzeko, indartzeko eta zabaltzeko asmoz sortu da.
Informazio gehiago eskuratu eta izena emateko bideak hauek dira:
Solasgunearen txokoa: Tel: 610 920 673 edo solaslaguna@topagunea.org
Bortzirietako euskara mankomunitatea: Tel: 948 634 125 edo euskara@bortziriak.org
Malerrekako mankomunitateko euskara zerbitzua: Tel: 948 451 746 edo euskarazerbitzua@malerreka.infolocal.org
Baztango udaletxeko euskara zerbitzua: Tel: 948 580 006 edo euskara@baztan.es
Bortzirietako euskaltegia: Tel: 948 637 796
Malerrekako euskaltegia: Tel: 948 451 555
Baztango Suinki euskaltegia: Tel: 948 452 471