Eskualdeko hainbat lagun aktore lanean jarri dituen “Baztan” pelikula irailaren 24an estreinatuko dute Donostiako Zinemandiaren barne, Zabaltegisailean. Urriaren 5etik aitzinera berriz, zinema-aretoetan eskainiko dute.
Iñaki Elizalde zuzendari nafarraren lehen filma da “Baztan” eta bailara horretan sortu eta grabatutako lana da. Agoteek bizi izan zuten diskriminazio egoera islatzen du filmak. Bi garai ezberdinetan gertatzen diren istorioak uztartzen ditu filmak: batetik, XVII. mendean agoteek jasan izan zuten diskriminazioa eta horren aurka borrokatzen saiatzen den Joxe gaztearen istorioa ezagutuko dugu, eta bertzetik, gaur egun ballera pelikula bat filmatzera doan zinema ekipo batena. Unax Ugalde eta Carmelo Gomez dira protagonista nagusiak, baina lehenbiziko aldiz kamera aitzinean paratu diren eskualdeko bertze hainbat aktore ere aritu dura lanean.