Arkupeak elkarteko hainbat eta hainbat bazkideri Frantzian jubilazioa lortzen lagundu zien Jose Silva Susperregi abuztuaren 21ean hil zen Hendaian, 89 urterekin.
Urte aunitzez Kontsulatuan lan egin zuen Silvak eta emaztea hil eta jubilazioa hartu zuenean, lan honetara dedikatu zen. Arkupeak elkarteak-ek aunitz baloratu izan du bere lana eta aitorpen gisa oroigarria ere oparitu zion. Milaka lagun pasatu ziren bere etxetik eta jubilaziorako beharrezkoa zen dokumentazioa lortzen lagundu zien. Lerro hauen bidez, aparteko bere lana azpimarratu nahi du Arkupeak elkarteak, hainbertze lagunen mesederako lan egin zuelako eta aldi berean, doluminak adierazi nahi dizkie bere anaia-arreba eta ilobei. Oraindik ere badago Frantzian jubilazioaren esperoan dagoen jendea eta Arkupeak elkarteak jakinarazi duenez, Hendaiako udaletxera joan behar da. Baionako Gizarte Segurantzan ari den arduradun bat hilabetero joaten omen da Hendaiara jubilazioa lortu nahi dutenei laguntzeko.