Baztango Udalak eta Malerreka eta Bortzirietako Hiri Hondakinen Mankomunitateek azken lau urte hauetan egin dituzten konpostaren kanpainetan, guztira 624 konpostontzi banatu dituzte dohainik. Horietan azkenekoak, ekainean eta uztailean egin zituzten. Ekainean, adibidez, 164 konpostontzi banatu zituzten Baztanen eta 88 Malerrekan. Uztail hasieran, berriz, 43 konpostontzi banatu ziren Bortzirietan.
Oraindik ere norbait interesatua baldin badago izanen du aukera, zerrenda berria betetzen ari baitira. Hilabete honetan izanen da eskatzeko aukera, irailaren 30era arte. Baztanen 948 580006ra deitu behar da, Malerrekan 948 451746ra eta Bortzirietan, 948 635254ra.
Bertzalde, traste haundien bilketa egiteko telefono berria dela oroitarazi dute Mankomunitateetatik. Deituz gero, orain arte bezala etxera joanen dira bila eta dohainik, baina orain telefono berri honetara deitu behar da: 672 045734.