BEZaren igoerak dakarren kostu gehigarria bere gain hartuko du
BEZaren igoerak bezeroengan eraginik izan ez dezan, prezioei eustea erabaki du TTIPI-TTAPAk. Publizitate tarifei eta harpidetza kuotei eragiten die BEZaren igoerak, bi kasu hauetan %18tik %21era igo baita zergaren tasa espainiar estatuan. Hala ere, 2012an onartutako prezio eta tarifek bere horretan segituko dute urtea bukatu arte.
Orrialde osoko publizitatea 6 zentimo azpitik
Bertze edozein euskarri-publizitariorekin konparatuz gero, TTIPI-TTAPAren publizitate tarifak izugarri konpetitiboak dira. Eta baieztapen hori frogatzeko zenbakien nondik-norakoak argitzea da hoberena. TTIPI-TTAPAk 6.000 aleko tirada du eta CIESek 28.000 irakurle aitortu dizkio 2012ko lehen neurketan. Hartara, orrialde osoko publizitatearen kostua (345 euro BEZ barne) 6.000 aleren artean zatituz gero, orrialde bakoitzaren kostua aleko 0,057 zentimokoa dela ateratzen da, kolorezko fotokopiarik merkeena baino 10 aldiz merkeago, gutienez. Eta kolorezko fotokopia hori norbaitek etxez-etxe banatu nahiko balu, banaketaren kostua ere erantsi beharko lioke kopiaren gastuari.
HARPIDETZA ETA TTIPI-TXARTELA
Harpidetzen prezioak eta Ttipi Txartelarenak ere ez dira garestituko aurten. Urtarriletik abendura argitaratzen diren 24 zenbakiengatik 32 euro ordaintzen dira Malerreka, Baztan, Bertizarana eta Urdazubin. Leitzako harpidedunek 16 euro ordaindu dute aurten urte osoko harpidetzagatik eta eskualdetik kanpo hego Euskal Herrian eto Espainian bizi direnek, aldiz, 38 euro. Ipar Euskal Herrian, berriz, 56 euro.
Ttipi Txartela egitea erabakitzen dutenek, ordea, abantaila gehiago dituzte (aldizkaria doan, erosketak merkeago, zozketak…). Hasieran 40 euro ordaintzen dute baina Errentaren Aitorpena egitean Nafarroako Gobernuak 10 euro itzultzen dienez, harpidetza soila egitea baino errentagarriago ateratzen da azkenean.