5.109 ikaslek ekin diote ikasturteari Baztan, Bortziriak, Bertizarana, Malerreka, Leitzaldea, Urdazubi-Zugarramurdi, Sara eta Senperen, joan den urtean baino 194 gehiagok. Hizkuntza ereduetan, D ereduak segitzen du ikasleen aukera nagusia izaten, nabarmen. Ikasturte honetako nobedadea Nafarroako Gobernuak egindako murrizketak dira. Lanordu gehiago dituzte irakasleek (haur eta lehen hezkuntzan 23 ordu lektibotik 25 ordura, bigarren hezkuntzan 18 ordutik 20 ordura). Zenbait ikastetxetan irakasle guttiago dira eta gelako ikasle kopurua ere igo egin da batzuetan.