Urtero bezala, aurten ere Urritzokieta auzoan Santa Kruz bestak ospatuko dira. Irailaren 14an, ortziralean, Santa Kruz eguna izaki, goizeko 11:30ean meza izanen da Santa Kruz ermitan eta ondotik auzotarrek eskainitako hamaiketakoa. 18:00etan txokolatada eskainiko dute Sainduneko zubian hurbiltzen diren guztientzat eta 20:30ean afaria eginen dute auzotarrek.
Irailaren 16an, igandea, 11:30eko mezaren ondotik, 12:30ean trikitilariek kalejiran auzoa zeharkatuko dute. 14:00etan asaua eginen da Sainduneko Zubian eta bazkaldu ondotik mus eta partxis txapelketak. 17:30ean jokoen txanda izanen da: lasterketa bi lagun elkarri hankak lotuta, zartagi jaurtiketa eta zaku lasterketa. 18:30ean erromeria eginen da eta 20:30ean afaria. Triki afalondoa alaituko dute.