Joan den agorrilaren 25ean Euskal Herriko Errugbi Txapelketaren bigarren edizioa egin zen Saran. Euskal Herriko zortzi ekipa aritu ziren bata bertzearen kontra Animainiako zelaian.
Azkenean, txapelduna Uztaritzeko taldea izan zen eta txapeldunordea Ziburu. Hirugarren Hernaniko taldea sailkatu zen, laugarren Getxo, bosgarren Donapaleu, seigarren Sara, zazpigarren Baztan eta zortzigarren Sara eta Hernaniren arteko taldea.
Txapelketa bukatu eta jende guztia plazaruntz joan zen, Madricale talde kortsikarra entzuteko. Gauean 500 bat pertsona hurbildu ziren Integrazio Batzordearen alde antolatutako zikiro jaterat. Ondotik Zelata taldeak plaza animatu zuen, eta gaua bukatzeko bestazaleek gaztetxean bukatzeko aukera izan zuten.
Bigarren edizio hori lorpen polit bat izan da eta agian bertze ainitz eginen dira!