Aspaldiko hilabeterik beroena izan da abuztua

TTIPI-TTAPA 2012ko irailaren 11
Deskargatu Info Ahotsak :
Español English Français Català Galego

Domikoko presa, Lesakan, normalean goraino betea egoten da eta orain erabat agortua dago. Isidro ETXEBERRIA

Joan den urteko abuz­­­tua bezala hilabete beroa izan da aurtengoa ere. Baina are bero haundiagoa egin du aurten, termometroetan datu historikoak ikusi baitira. Iaz abuz­tua­ren 20a izan zen hilabeteko egunik beroena, tenperatura 40 gradutara igo baitzen. Aurten, berriz, zenbait tokitan 42 gradu­tara igo zen abuztuaren 17an.

Eskualdean dauden estazio meteorologi­koen arabera, abuztuaren 17an Irurita eta Lesakan neurtu ziren tenpe­raturarik altuenak, 42 gradukoak. Doneztebeko estazio automatikoan­ ere hurbil ibili zen tenperatura, 41,9 gradu neurtu baitziren. Gainerakoetan ere tenperatura al­tuak ikusi ziren.
 
Media historikoak ere gainditu dituzte abuztuko tenperatura maximoek. Doneztebeko estazio meteorologikoan, erra­­terako, tenperatura maximoaren abuztuko batezbertzeko historikoa 26,9 gradukoa zen eta aurtengo abuztuan 30,6 gradukoa izan da batez­ber­tze­ko maxi­moa. Go­rramendin, abuz­tuko batezbertzeko tenperatura maximo historikoa 18,5 gradukoa zen eta aurten­go abuztuko batezber­tzekoa 22,5 gradukoa izan da.
 
PREZIPITAZIOA
 
Euria ere nekez egin du. Donezteben, abuztuko batezbertzeko historikoa 69 l/m2 euri­ egitea zen eta aurtengo abuztuko batezbertzekoa ­29,6 l/m2koa izan da.
Gorramendin abuztuko prezipitazioaren batezbertzeko historikoa 128,8 l/m2koa zen eta aurtengo abuztukoa, 54,6 l/m2koa izan da.
 
AUTOMATIKOAK Abuztuak9 Abuztuak 10 Abuztuak17 Abuztuak18
Doneztebe 39 ºC 40,7 ºC 41,8 ºC 39,2 ºC
Gorramendi 28,9 ºC 31,3 ºC 33,6 ºC 31,7 ºC
ESKUZKOAK
Amaiur  35,5 ºC 38 ºC 39 ºC 35 ºC
Areso 35,5 ºC 37,5 ºC 37 ºC 37,5 ºC
Arizkun 36 ºC 39 ºC 40 ºC 37 ºC
Artikutza 34 ºC 35 ºC 36,5 ºC -
Bera 37 ºC 39,5 ºC 41 ºC -
Arranbide 35 ºC 39 ºC 38 ºC 31 ºC
Bertiz 37 ºC 40 ºC 41 ºC 40 ºC
Doneztebe 38 ºC 40 ºC 40 ºC 38 ºC
Etxalar 35 ºC 36 ºC - -
Goizueta 37 ºC 40 ºC 40 ºC 31,5 ºC
Irurita 38 ºC 41 ºC 42 ºC 41 ºC
Leitza 33 ºC 35,5 ºC 35 ºC 35 ºC
Lesaka 39 ºC 40 ºC 42 ºC 32 ºC
San Anton 34,5 ºC 36 ºC 37,5 ºC 29 ºC
 

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun