Etxean sortzen diren hondakinak ahalik eta egokien bideratzeko lanean segitzen du Malerrekako Zerbitzu Orokorren Mankomunitateak. Horren harira, neurri haundiko trasteak etxez-etxe biltzeko zerbitzua badela oroitarazi du Mankomunitateak, eta gainera, dohainik egiten dela. Etxe-tresna elektrikoak, altzariak, koltxoiak edo bertzelako traste haundiak biltzeko nahikoa da 672 045734ra deitzea eta etxera joaten dira bila, doan.
Bertzalde, etxeko konpostaren kanpainarekin ere aitzinera segitzen du. Ekainean 88 konpostontzi banatu zituen eta abuztuaren 31n akitu zen konpostagailuak eskatzeko bertze epea. Urtea akitu baino lehen banatzea espero du.