Bidasoko trenbide zaharra, Endarlatsa eta Doneztebe artean, bide berde gisa berreskuratu eta egokitzeko lanak 2013ko udan bukatuko dira, behin Nafarroako Gobernuak ibilbide hau Udalaz Gaindiko Eragina duen Proiektu Sektorial (PrSIS) izendatu eta gero.
Lanek 873.003 euroko aurrekontua dute. Europar Batasunak kofinantzatuko ditu %65ean, 2011-2013 biurtekoan Nafarroa buru den Pirinioetako Lan Elkarteak (PLE) kudeatzen duen Poctefa programaren bidez. Gainerako %45a Nafarroako Gobernuak (278.833 euro) eta Bertiz Partzuergo Turistikoak (26.718 euro) bideratuko dute.
Jarduera nagusia N-121A errepidearen azpitik, Alkaiaga inguruan, eginen den lurpeko pasabidea eraikitzea izango da. Obra hori, gutti goitibeheiti, 500.000 euro kostatuko da. Horrekin batera, trazaduraren seinaleztapena, tunelen argiztapena eta bide berdea igaroko den zonatan hainbat egokitzapen eginen dira. Gainera, babesteko eskudelak jarriko dira erortzeko arriskua egon litekeen bide-guneetan.