Iarmendiko barrutian dauden uso postuen enkantea larunbat honetan eginen da Etxalarren. Usadioa den bezala, ahozko posturaren bidez eginen da, 12:00etan Herriko Etxeko batzar-aretoan. Subastan ematen den tanto bakoitza 10 eurokoa izanen eta behin-behineko esleipena egin ondotik, hartzaileak hasierako prezioaren %30 ordaindu beharko du, fidantza gisa. Errentan ateratzen den zenbatekoa irailaren 21erako ordaindu beharko da.
Garestienetatik (3.125 euro) merkeenetara (875 euro), guztira 21 postu aterako dira enkantera eta lizitazioaren hasierako prezioak taulan ageri diren hauek izanen dira.