Txupinazorik ez. Abuztuaren 14an, astearte gauerdian eginen den arbola altxatzeak eta joaldunen ibilaldiak ematen diote hasiera Zubietako bestei. Aitzinetik, 20:00etan Herriko Txistulariak aterako dira. 21:30ean Zopa handiak banatuko dira Herriko Ostatuan eta Errandonean. Arbola altxatzearen eta joaldunen ibilaldiaren ondoren dantzaldia izanen da Trikidantz taldearen eskutik.
Amabirjinaren Eguna asteazkenean
Abuztuaren 15ean, asteazkenean, Amabirjinaren Eguna ospatuko da 08:00etan diana. 11:00etan Meza Nagusia. Meza ondoren, txistulariak eta Zubietako joaldunak ariko dira. 12:00etan aizkora apustua jokatuko da: Jaunarena eta Loiarte, Mindegia aita-semeen kontra. 18:00etan Ibintza taldeko dantzarien saioa. Arratsaldez eta gauez dantzaldia Astiarazan Anaiak taldearekin.
Haurren Eguna ostegunean
Abuztuaren 16an, ostegunean, Haurren Eguna ospatuko da. 08:00etan diana. Egunean zehar haurrendako puzgarriak izanen dira. 10:00 haurrentzako betiko jokoak. Eguerdian haurrentzako bazkaria. 16:00etan mus txapelketa jokatuko da. 16:30ean haurrentzako ikuskizuna. 18:30ean haurrentzako ginkana. Arratsaldez eta gauez dantzaldia izanen da Bixente akordeolariarekin.
Kirola eta lehiaketak ostiralean
Abuztuaren 17an, ostiral goizean goiz diana joko da. Egunean zehar haurrentzako puzgarriak izanen dira. 10:00etan haurren pilota partidak jokatuko dira eta 12:00etan helduak futbitoan ariko dira. 17:00etan Plater tiraketa herritarrentzat. 17:00etan Patata Tortilla lehiaketa, ondoren berendua. Arratsaldez eta gauez dantzaldia Aierrik taldearekin.
80 urtetik goitikoei omenaldia larunbatean
Abuztuaren 18an, larunbat goizeko 08:00etan diana joko da. Egunean zehar haurrentzako puzgarriak izanen dira hondar egunean ere. 11:00etan Meza eskainiko da herriko adinduen omenez. 12:00etan 80 urtetik goitikoei omenaldia eskainiko zaie. Aurreskua eta jauziak (Muxikoak) ere izanen dira plazan. 13:00etan helduen arteko pilota txapelketako finalak jokatuko dira. 14:00etan Bertso bazkaria eginen da eta 80 urtetik goitikoak dohainik izanen dute. Ondotik herriari buelta. 17:00etan haurrentzako futbitoa. Arratsaldez eta gauez dantzaldia Gabenara taldearekin. 02:30ean arbola botatzea, bestei bukaera emanez.