Aurten 70 urte beteko ditu Baigorriko Arrola dantza taldeak eta urteurren hori modu berezian ospatzeko asmoz, besta eguna antolatu dute larunbat honetarako, agorrilak 25. Arratsaldean emanen diote bestari hasiera, 16:00etan elizatik pilota plazaraino kabalkada eginez. 17:00etan dantza ikuskizuna hasiko da pilota plazan. Baztango dantzariek, Larrañeko (Xiberua) Errege-txopitak, Bakioko (Bizkaia) Itxas-alde taldeak, Nafarroa Behereako Anhauzeko makilariek eta Arrola dantza taldeak parte hartuko dute. 19:00etan plaza xokon aperitifa eginen da eta ondotik afaria eta dantzaldia Kiki Bordatxok alaiturik. Afariko lekuen atxikitzeko (0033) 640 392079/ (0033) 559 379351 edo (0033) 689376969ra deitu behar da. Horrez gain, egun osoan argazki erakusketa eginen da Herriko Etxean.
Euskal Herriko bertze dantza taldeekin batera, Baztangoek ere parte hartuko dute.
Arratsaldean emanen diote bestari hasiera eta Euskal Herriko bortz dantza taldek parte hartuko dute, tartean Baztangoek. Horrez gain, afaria eta dantzaldia eta argazki erakusketa izanen dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun