Azken urteetan zikinkeria zuzenean errekara isuri da
Aspaldiko urteetan, araztegia edo depuradora hondatua dago. Herriko ur zikinak garbitu behar lituzkeenak 15 bat urte behinik behin izanen ditu zikinkeria guztia zuzenean errekara isur-tzen. Orain dela urte batzuk, NILSA Nafarroako Gobernuaren enpresa aukerak aztertzen hasia zela ematen zuen, haien artean, Donamariako araztegira eramatearena, nahiz eta aspaldi honetan ez zen deusen berririk. Orain, ordea, badirudi zerbait mugitzen hasi dela, eta depuradora berri bat eginen dela.
Lan horren proiektua egiteko neurketak egiten aritu dira berriki. Hala ere, proiektuaren xehetasunak jakiterako denbora joanen da seguraski, eta zer erranik ez obra egiterako. Dena den, bada zerbait pausuak ematen hasi izana.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun