336 konpostontzi Bortzirietan, 182 Baztanen eta 106 Malerrekan. Bortzirietako Hiri Hondakinen Mankomunitateak, Baztango Udalak eta Malerrekako Mankomunitateak azken lau urte hauetan egin dituzten kanpainetan, guztira 624 konpostontzi banatu dira. Horietan hondarrekoak, azken asteetan egin dira. Konpostontziak banatzeaz gain, izena emana zuten familia guztiekin bilerak ere egin dituzte konposta nola egiten den azaltzeko, zer botatzen ahal den eta zer ez, zein arazo izaten ahal dituzten eta nola konpondu. Ekainean, adibidez, 164 konpostontzi inguru banatu ziren Baztanen, eta 88 Malerrekan. Uztail hasieran, berriz, 43 konpostontzi banatu ziren Bortzirietan. Oraindik ere norbait interesatua baldin badago, izanen du aukera. Zerrenda berria betetzen ari dira eta izena emateko Baztango udaletxera edo Bortziriak edo Malerrekako Mankomunitatera deitu behar da.