Uztailaren 15ean, igande aratsaldeko 18:30etik aitzinera jokatuko da Alegian (Gipuzkoa) Euskadiko lasto.jasotze txapelketa. Nafarroako ordezkari hiru igantziar izanen dira: Carlos Sein Garcia, Eneko Telletxea Iraola eta Arkaitz Retegi Zamorano.
Hiru igantziarrekin batera, bertze bederatzi kirolari ariko dira, hamabiko taldea osatuz: Jose Lauzirika (Arangiz, Araba), Unai Ardeo (Getxo, Bizkaia), Jon Lapazaran (Markina, Bizkaia), Joxemari Atutxa (Dima, Bizkaia), Andoni Agirreurreta (Astasu, Gipuzkoa), Pello Argaia (Zizurkil, Gipuzkoa), Lander Otermin (Gipuzkoa) eta Andde Arbenoitz (Urruña, Lapurdi).
Kirolariek ahalik eta jasoaldi gehien egin beharko dituzte 40 kiloko lasto-fardoarekin, 7 metrora goratuz, bi minutuko txandan.
Aurten ez da ariko azken hiru urteetan txapeldun izan den Joxemartin Bustintza Tubi bizkaitarra, ezta hiru urte horietan azpitxapeldun eta 2008an txapeldun izan zen Iñaki Bereau igantziarra ere. Aldiz, Jon Lapazaran berriz lehiatuko da.