Nafarroako Merkatarien Federazioak bizi dugun egoera honi buelta ematearren martxan paratu duen kanpaina batean parte hartzea erabaki du Doneztebarrak Merkatarien Elkarteak. Horretarako, elkarteko bazkide batzuek erakusleiho aldaketa bat egitea erabaki dute. Ekimen honen bidez, baikortasuna zabaldu nahi da, aktibitate komertzialari bultzada bat eman eta saltokiak zein bezeroak mugi daitezen lortu, krisi ekonomikoari buelta emateko. Kanpainarekin bat egin duten komertzioek beraien eskaparateetan kartelak paratu dituzte eta kanpainaren lema daraman poltsak banatuko dituzte.