Uztailaren 1ean, Baztan, Malerreka eta Bidasoko XV. Trikitixa Txapelketa jokatu zen. Ttikien mailan, 13 bikotetik 5 herrikoak ziren eta lehenengo aldiz parte hartu zuten txapelketa batean: Olaia Iturria eta Rafaela Gomes, Igone Arozena eta Janire Telletxea, Uxue Iturria eta Leire Iribarren, Martxel Larraza eta Eduarda Gomes eta Ainhoa Telletxea eta Aritz Irazoki. Urduritasunaz aparte, denek saio bikaina egin zuten, eta aipatzekoa Ainhoa Telletxea eta Aritz Irazokik lortutako bosgarren postua. Gazteetan, Itsaso eta Irune Elizagoienek txapela ekarri zuten.