Transportes Bidasoa taldeko Luziano Mitxelena eta Ion Zeberiok eta AEL taldeko Patxi Meoki baztandarra ongi moldatu dira Errioxako Itzulian. Zeberiok, azken etapan, hirugarren postua lortu zuen eta horrez gain, mendiko sailkapena ere irabazi zuen. Senior mailan bi etapa garaipen eta sailkapen nagusian seigarren izatea lortu zuen. Mitxelena, berriz, 27. izan zen sailkapen nagusian. Master 60 mailan aritu arren, master 50 mailan parte hartu behar izan zuen eta laugarren izan zen. Baztandarrak master 50 mailan garaipena lortu zuen, sailkapen nagusian 9. izanda.
Erlojupekoarekin hasi zen itzulia eta Zeberio seigarren gelditu zen, irabazlearengandik 21 segundora. Mitxelena, berriz, 56 segundora gelditu zen. Eguneko bigarren etapan, haize haundia egin zuen eta Zeberiok ia hiru minutu galdu zituen, 19. sailkatuz. Biharamuneko etapan aitzineko egunean galdutako denbora aprobetxatuz ihes eginda pasatu zuen lasterketa osoa eta hirugarren bukatu zuen, eta mendiko sailkapena irabazi zuen, eguneko lau portuetatik hirutan lehenbiziko postua lortuz.
Tranportes Bidasoa taldeko txirrindulariak kontent gelditu dira Errioxan egindako lanarekin, eta orain lasterketa gutti izan arren, datozen erronketarako oporretan lanean segituko dutela adierazi dute.