Koteto Ezkurra eta Patxi Olazar Doneztebe osaba-ilobek gogotik lan egin behar izan zuten Sanferminetako erremonte txapelketako lehen puntua eskuratzeko. 40-39 irabazi zieten Zeberio II eta Joxe Etxeberria III.ari. Gorka Urtasun iruritarrak eta Julen San Miguel doneztebarrak errazago izan zuten, 23-40 irabazi baitzieten Urriza eta Ion-i.
Uztailaren 6an, ortziral arratsaldeko 16:30ean hasiko den jaialdian jakinen da txapelketa honetako lehen finalista zein izanen den. Izan ere, atzoko irabazleak, Ezkurra eta Olazar eta Urtasun eta San Miguel izanen dira aurrez aurre lehen partidan. Partida hau ere irabazten duenak uztailaren 8ko finalean izanen da. Bigarren partidan, Urriza eta Ion, Zeberio II eta Etxeberria III.aren kontra. Partida hau galtzen duenak, kasik aukerarik gabe geldituko da.
Uztailaren 7an, larunbat arratsaldeko 16:30etik aitzinera jokatuko dira ligaxkako azken partidak. Ezkurra eta Olazar, Urriza eta Ionen kontra ariko dira eta Zeberio II eta Etxeberria III, Urtasun eta San Miguelen kontra.
Uztailaren 5eko emaitzak Euskalen
1. Matxin VI-Zubiri, 36; Urrutia II-Saldias, 40
2. Ezkurra-Olazar, 40; Zeberio II-Etxeberria III, 39 San Ferminetako txapelketa
3. Urriza-Ion, 23; Urtasun-San Miguel, 40 San Ferminetako txapelketa