Uztailaren 1etik, igandeaz geroztik baserritik falta den 79 urteko gizasemearen bila segituko du Nafarroako Larrialdi Agentziak. Uztailaren 2an, astelehenean hasi ziren bilaketa lanak, igandeaz geroztik ez baita sunbildarraren berririk.
Baserri batean bakarrik bizi da desagertutakoa eta senideek astelehenean salatu zuten desagerketa, igande arratsaldean berekin izan zirela jakinarazi ondotik. Nafarroako Larrialdi Agentziak foruzainak, Oronozko suhiltzaileak eta helikoptero bat, guardia zibileko GREIMeko unitatearekin mugiarazi ditu, baita salbamendu zakurren taldeko boluntarioak ere. Uztailaren 3an, astearte goizeko 09:00etan hastekoak dira berriz ere bilatze lanetan eta Sunbillako bizilagunak ere ariko dira.