Ekainaren 15ean eman zuen Segi gazte antolakundeak bere agorpenaren berri eta hori eskualdeko gazteei jakinarazi nahi izan die Gazte Oihua ekimenak. Duela 33 urte sortu zen erakundea eta geroztik borroka eta izen ezberdinak izan ditu, beti independentzia eta sozialismoaren aldarriarekin. Segiren hitzetan, «Jarrai, Gazteriak, Haika eta Segik, eta inguruko milaka gazteok emandako pausu oro izan da baliagarri, borrokaren lekukoa eskuz aldatzea bermatu dugulako, independentzia eta sozialismoaren aldeko konpromisoa gaur arte ekarriz». Segik adierazi du bere jarduna bukatu dela, baina gazteriari antolatu eta borrokan segitzeko deia egin dio.