Bertze herri aunitzetan bezala, aurten ere sanjuan suetan saltoka aritzeko aukera plantatu da herrian. Orain dela urte batzuk, bakoitzak bere aldetik egiten zituen San Juan bezperan suak, baina orain dela urte bat guraso taldeak suen aitzinetik luntx ttiki bat egitea proposatu zuen, bakoitzak etxetik nahi zuena eramanez eta denak plazan elkartuz. Ideia horrek hagitz harrera ona izan zuen lehenbiziko urtean, eta hortaz, aurten ildo beretik segitzea erabaki zen.
Joan den larunbatean, ekainak 23, denak plazan biltzeko deia egina zen eta gero, karrika moztuz, sua egitekoa zen jendea saltoka aritzeko.
Lerro hauen bidez, guraso talde hori zoriondu nahi dugu, herriko ekintza aunitzetan parte hartzen duelako eta ideia on aunitz ematen dituelako. Hagitz langileak dira eta segi dezatela horrela!